– Maraqlarınızı və yaşamaq istədiyiniz anları dinlədikdən sonra sizə lazım olan istiqamətlər, qoşulmaq istədiyiniz fəaliyyətlər, “event”lər daxil olmaqla unikal bir səyahət planının hazırlanması;
– Fərdiləşdirilmiş marşrutlar və xüsusi tələblər üzrə səyahət planının hazırlanması;
– Səyahət logistikasının ən uyğun, operativ təşkil olunması;

Burada bizə yerli, reputasiyalı bələdçi şirkətlər, mobil tətbiqlər və öz araşdırmalarımız kömək olacaq. Bu da öz növbəsində sizin büdcənizə və ən vacibi vaxtınıza qənaət etməklə nəticələnərək “scam” olmayan, həm də adekvat qiymətlərlə müxtəlif servislərdən istifadə etməyinizə, gəzintinizin tam rahat keçməsinə səbəb olacaqdır.
– Bura gəldikdən sonra sizə ən uyğun kafe-restoranları, yerləri, küçələri, əraziləri tapmaqda, 7/24 online qaydada suallarınızı cavablandırmaqda köməklik;
– Fərdi və ya qrup şəklində gələnlər şəxsi iştirakla bələdçilik edəcəyimiz turlara da yazıla bilərlər.

Noyabr – May aylarını ümumi olaraq uyğun saya bilərik. Amma regionun coğrafiyası böyük olduğundan il ərzində müxtəlif istiqamətlərdə də mükəmməl səyahət planlamaq olar.

Uçuş və vizanızı nəzərə almasaq, deyə bilərəm ki, hər şey daxil xərcləriniz 1 gün üçün təxminən aşağıdakı kimi bölünür:
– Az büdcəli səyahət edən üçün 30-60$;
– Orta büdcəli səyahət edən üçün 50-100$;
– Komfortlu səyahət edən üçün 100$ üzəri.

Gün sayınız məhduddursa, məsləhətim 1-2 şəhərə, əraziyə fokuslanmaq olacaq. Ölkələr arası uçuşlar onsuz da uzun olan yolunuzu uzadacaq və siz zövq ala bilməyəcəksiz.

Getdiyiniz istiqamətləri bir qədər araşdırın, əşyalarınızı qoruyun, ayıq-sayıq olun, reputasiyalı xidmətlərdən, yerli şirkətlərdən istifadə edin və sağlamlıq riskləri haqqında məlumatlı olun.

Ailə və uşaq ilə səyahət edənlər Asiyada çoxdur. Sizə uyğun olan kafe və restoranları bəzən yerində tapmaq olur, bəzən isə öncədən araşdırmaq lazım olur. Asiya mətbəxinin spesifikliyini və istəklərinizi nəzərə alaraq bu barədə seçim etməkdə sizə dəstək ola bilərik.