Başlıqlar
Vyetnam “mədəniyyət şoku” sözünün mənasını sizə hiss etdirən ölkələrdən olacaq. Bu ölkə barədə ümumi yazını sizinlə paylaşmaq istərdik:
Vyetnamda nələr sizi təəssüfləndirəcək?
Çimərliklər
Bu mövzuda Filippin, Tayland, İndoneziya kimi ölkələrə Vyetnamın sahil qırağı çatmır. İnanın ki, buna baxmayaraq, səyahətiniz zamanı Nha Trang, Phu Quoc, Da Nang və müxtəlif adalarda yerləşən çimərliklər sizi peşman etməyəcək. Təmiz və mavi sulu sahilləri tapmaq üçün sizə öncədən kiçik bir araşdırma aparmaq lazım olacaq.
Şəhər infrastrukturu
Mənfi cəhətlərdən biri də böyük şəhərlərin yollarının piyada, komfortlu gəzinti üçün yararsız olmasıdır.
Zaman
Gəlin, hər şeyi üç-beş gün ərzində görməyə öyrəşdiyiniz Avropa şəhərlərini və Dubayı unudaq burada. Çünki qeyd etdiyim gün sayı Vyetnamdan zövq almaq üçün kifayət etmir. Ölkənin fərqli mədəniyyətini, təbiətini, tarixini və möhtəşəmliyini hiss etmək, dərin təcrübədən keçirmək üçün minimum 10-12 gün gərəklidir.
Vyetnamı nəyə görə sevəcəksiniz?
Bu ölkə sanki təvəzökər bir insan tipidir. Öz potensialını, dəyərini çox gözəl bilir, amma bölüşməyi sevmir. Vecinə belə deyil kim onun barədə nə düşünür, nə yazır, nə pozur…
Mənzərələr və təbiət
Turistik mərkəzlərdən bir neçə kilometr uzaqlaşmaq kifayət edir ki, Vyetnam sizə öz ənənəvi kimliyini göstərsin. Düyü plantasiyaları, mağaralar, cəngərliklər, dağlar, zirvələr…bir sözlə, çox fərqli təbiəti vardır. Bəzilərinin adını mən yazım, siz isə zamanınız və həvəsiniz olarsa araşdırarsız: Ha Giang, SaPa, Cao Bang, Quy Nhon, Mu Cang Chai və s.
Qiymət və keyfiyyət
Azərbaycandan bura gəlmək üçün təəssüf ki birbaşa reyslər yoxdur(2024.05.10 tarixi üçün), tranzit ölkələr üzəri gəlmək isə, bəzən çox da büdcəli alınmır. Amma və lakin, ölkədaxili xərcləriniz həqiqətən də büdcəli olacaq. Bu, həm əyləncəyə, həm yeməyə, həm də yaşayacağınız hər bir təcrübəyə dəyər. Vyetnam regionun ən ucuz istiqamətlərindən sayılır.
Mehriban insanlar, dadlı kofe və tarix.
Bu haqda nə yazım bilmədimş.. gəlib, görüb, yaşamaq lazım olacaq anları.
Sonda isə qeyd etmək istərdim ki, səyahət üçün bura gəlməyi düşünürsünüzsə, mütləq və mütləq gözləntilərinizi dəyişin. Nə qədər bəsit səslənsə də, Vyetnam Vyetnam olduğuna görə sevilir. Buradan Bali, Tayland, Sinqapur gözləmək yalnışdır.
Vyetnam səyahətini Asia İnsight ilə planlaya və bu ölkədə göstərdiyimiz bələdçilik xidmətindən istifadə edə bilərsiniz.
Viza və uçuşlar
Viza
Azərbaycan vətəndaşları Vyetnama turizm məqsədi ilə səfər etdikdə, bu ölkənin turist vizasına müraciət etməlidir. Vyetnamın Miqrasiya Departamenti saytında (https://evisa.xuatnhapcanh.gov.vn/trang-chu-ttdt) online formada e-visa (elektron vizaya) müraciət olunmalı. Viza rüsumu tək giriş üçün(single entry) 25 USD; multi giriş üçün isə(multi-entry) 50 USD təşkil edir. Vizanın aktiv olma müddəti 90 günə qədərdir və 5 iş günü ərzində verilir.
Viza haqqında videomuzu izlə:
https://www.instagram.com/reel/C32WpufylRa/
Uçuşlar
Azərbaycandan Vyetnama birbaşa uçuş olmadığından, qiymət/komfort/zaman baxımından ən uyğun reyslər Qatar Airways (Doha üzəri) və Turkish Airlines(İstanbul üzəri) sayılır. Ölkəyə təyyarə ilə giriş-çıxış üçün Ho Chi Minh və paytaxt Hanoi şəhəri ən uyğun istiqamətlərdi. Ümumi uçuş saatı təxminən 12-14 saat çəkir. Alternativ marşrutlar da kifayət qədərdir və bir az araşdırma tələb edəcək. Təyyarə biletlərini bir neçə ay öncə almaq, büdcənizin qənaəti deməkdir.
Digər alternativ marşrutlar da mövcuddur və bunlar bir qədər araşdırma tələb edə bilər. Uçuş biletlərini mümkün qədər əvvəl alaraq büdcənizə qənaət edə bilərsiniz.
Təhlükəsizlik və sağlamlıq
Sağlamlıq
Səyahətə çıxarkən sağlamlığınızın qayğısına qalmaq çox vacibdir. İlk növbədə, səhiyyə sığortası etdirmək lazımdır. Vyetnam rəsmi olaraq peyvənd tələb etməsə də, öz həkiminizlə məsləhətləşməyiniz məsləhətdir. Xüsusi narahatlığınız varsa, mütləq həkimdən məsləhət alın.
Vyetnamda ən çox yayılan viruslardan biri DENGE virusudur, bu virus ağcaqanad sancması ilə yayılır. İnternetdə bu virusun simptomları və sağalma yolları haqqında çoxlu məlumat tapa bilərsiniz.
Yeməkdən zəhərlənmə riski də burada var. Bu hər zaman, hər yerdə baş verə biləcək bir haldır. Xüsusilə Vyetnamda dəniz məhsulları geniş yayılmış olduğundan, bu məhsullara xüsusi diqqət yetirmək vacibdir. Yeməklərin təmizliyinə və təzəliyinə diq qət etmək sağlam qalmağınızı təmin edəcək.
Ən önəmli nöqtərədən biri də Vyetnamda heç vaxt çeşmə suyu içməyin.
Təhlükəsizlik
Vyetnamda olduğum və yaşadığım müddətdə ağır kriminal hadisələrlə rastlaşmamışam. Ümumən Vyetnam səyahət üçün təhlükəsiz istiqamətlərdən sayılır və ən çox rastlanan problem xırda cibgirlikdir və bu, əsasən şəhər mərkəzlərində və turistlərin çox olduğu yerlərdə baş verir. Şəxsi təhlükəsizliyinizi qorumaq üçün hər zaman ayıq olun, yol qırağında telefonla çəkiliş edərək gəzməyin.
Onlayn fırıldaqlar da ola bilər, buna görə də gələn mesajlarda linklərə diqqətlə yanaşın. Pul dəyişərkən isə yoxlanılmış və çox adamın getdiyi yerlərə üz tutun.
Burada lyuks həyat yaşamaq üçün qızıl əşyalar və bahalı aksesuarlar ilə çöldə gəzməyə ehtiyac yoxdur. Əksinə, bu cür əşyalar motoçular tərəfindən hədəf alınan ilk şeylərdir. Sadə və diqqətsiz qalmaq ən yaxşı seçimdir.
Onlayn fırıldaqlar da ola bilər, buna görə də gələn mesajlarda linklərə diqqətlə yanaşın. Pul dəyişərkən isə yoxlanılmış və çox adamın getdiyi yerlərə üz tutun.
Burada lyuks həyat yaşamaq üçün qızıl əşyalar və bahalı aksesuarlar ilə çöldə gəzməyə ehtiyac yoxdur. Əksinə, bu cür əşyalar motoçular tərəfindən hədəf alınan ilk şeylərdir. Sadə və diqqətsiz qalmaq ən yaxşı seçimdir.
İstiqamətlər və nəqliyyat
İstiqamətlər
Vyetnam şimaldan cənuba 1650 km uzanır və coğrafi baxımdan ərazisi “S” hərfini xatırladır. Çin, Kamboca, Laos ilə quru sərhədləri, Tayland, Filipin, Malayziya və İndoneziya ilə isə su sərhədlərini bölür. Ölkənin paytaxtı Hanoy daha çox mədəniyyəti, tarixi, gölləri və ölkəni idarə edən komunist partiyasının məskunlaşdığı şəhər kimi tanınır. Ho Chi Minh şəhəri isə Vyetnam həm ərazisinə görə, həm də əhali sayına görə ən böyük şəhəri sayılır. Keçmişdə Saigon kimi tanınan bu şəhər, Fransız-Vyetnam arxitekturasını, müasirliyi və Amerika-Vyetnam müharibəsindən qalmış muzey və əraziləri ilə məşhurdur. Vyetnamda ən populyar turizm istiqamətlərini cənubdan şimala sizə yazırıq: Phu Quoc adası, Mekong Delta(Ben Tre, Can Tho), Ho Chi Minh, Nha Trang, Da Lat, Da Nang, Hoi An, Hue, Ninh Binh, Ha Long bay, Hanoi, Ha Giang, Sapa, Cao Bang.
İstiqamətlər haqqında videomuzu izlə:
https://www.instagram.com/reel/C5BpRXVyXb0/
Nəqliyyat
Şəhərlər içi nəqliyyat növü əsasən motosikletlər sayılır, bura moto taksi xidməti belə kifayət qədər populyardır. Metro və avtobus sistemləri çox əlverişli deyil. Qısa müddətlik səfər zamanı adi qaydada taksi xidmətindən istifadə məsləhət görülür. Maşınlar komfortlu və kondisionerlidir. Şəhərlər arası nəqliyyat növü isə komfortlu avtobuslar(sleeper bus, capsule bus, limousine bus), komfortlu qatarlar və ölkədaxili təyyarələr hesab olunur.
Vyetnama səyahət edərkən rahat və problemsiz bir təcrübə üçün bu məlumatlardan yararlanın və səyahətinizin planlamasını tam əminliklə bizə həvalə edə bilərsiz.
